16 Атырдьах ыйа 16.08
  • 13°
  • $ 61,37
  • 62,51

Саха сиригэр 190-тан тахса тэскилээччи кэлбит

Саха сиригэр 192 тэскилээччи кэлбит, олортон 82-тэ — оҕо. Үксэ Украинаттан тэскилээччилэр буолаллар. Ол туһунан Саха сирин профсоюзтарын федерациятын бэрэссэдээтэлэ Николай Дегтярев «Актуальное интервью» биэриигэ Якутия 24 ханаалга кэпсээтэ.

Кэлбит гражданнар сүрүннээн Мииринэй, Нерюнгри оройуоннарыгар уонна Дьокуускай куоракка бааллар.

«Бүгүн кинилэргэ барыларыгар социальнай, гуманитарнай уонна медицинскэй көмө оҥоһуллар. Кэлбит дьонтон 100- тэн тахса киһи медицинскэй көмөнөн туһаммыттар. Ону тэҥэ федеральнай бүддьүөттэн тэскилээччилэргэ 10 тыһыынча солкуобай көрүллүөҕэ», — диэтэ Николай Дегтярев.

Кини бүгүҥҥү туругунан барыта 14 киһи үлэлии сылдьарын бэлиэтээтэ. Ону сэргэ сорох оҕолор оскуолаларга үөрэнэн эрэллэр. Ол эрээри, Саха сиригэр баар дойдуларыттан тэскилээбиттэр, үксүлэрэ  дьиэлэригэр төннөр былааннаахтар.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар