Саха сирэ шефтэһэр Кировскай куоратыгар 2 №-дээх орто оскуолаҕа аныгы IT-киин үлэлиир. Илиҥҥи экономическай форум кэмигэр киин үөрүүлээх быһыыга-майгыга арыйбыттара диэн НВК Саха телеграм-ханаал суруйар.
Бу кииҥҥэ оҕолор аныгы технологияны баһылыырга үөрэнэллэр. Айсен Николаев оҕолору кытта кэпсэттэ, үлэлэрин көрдө. IT-кииҥҥэ ким баҕалаах анал үөрэтии куурустарын ааһан, технологическай стартап арыйарга көмө ылыан сөп.
«ДНР баһылыга Денис Пушилины кытта саха сэргэтин туруорууга кытынныбыт. Үгэс быһыытынан алгыс сиэрэ-туома ыытылынна, Үрдүк Айыылартан эйэлээх олоҕу уонна кыайыыга күүһү-уоҕу, эрчими көрдөстүбүт. Кировскай олохтоохторо биһиэхэ чугас дьоммут буолла. Саха сэргэтэ биһиги биир сомоҕобут, доҕордоһуубут буолуо!», — диэн Ил Дархан эттэ.
