11 саастаах оскуола үөрэнээччитэ 900-тэн тахса строкалаах оонньуу кодун суруйда. Playgama веб-оонньуу улахан платформатын хампаанньата ылла. Дамир Булдаков JavaScript көҥүллүк билэр уонна бастакы улахан гонорарын ылла.
Уол бырагыраамалааһын эйгэтигэр суола иккис кылааска үөрэнэ сырыттаҕына Scratch визуальнай-блок эйгэтигэр боруобалааһын оонньууларынан саҕаламмыта. Ааспыт сыл бүтүүтүгэр оскуола оҕотугар веб-оонньууну кэҥэтэргэ SDК (инструмент оҥорор бырагыраама тэрилин набора) оҥороругар сакаасчыт этии киллэрбитэ.
«Үлэни ылсыах иннинэ докумуоннары билистим, барыллаан үлэни оҥордум. Үчүгэйдик толорорбун өйдөөн, сакааһы ылбытым. Core JS официальнай докумуоннарын туһанан SDK оҥордум, форумнарга сүбэлэстим, сыыһалары көннөрөр эппиэттэри көрдөөтүм. Үлэ бүтэһик кээмэйэ 900-тэн тахса строкалаах. Бэлэм коду сакаасчыкка ыыппытым», — диэн ЯСИА эдэр айтишник кэпсээтэ.
Билигин Дамир Булдаков номнуо саҥа бырайыактарынан дьарыктанар.
Сиһилии манна аах.
