Саха сиригэр биир кэлим босуобуйа туһунан сокуон күүһүгэр киириэҕиттэн, алтынньы 19 күнүнээҕи туругунан, саҥа өйөбүл миэрэнэн 102 980 оҕо уонна 4009 дьахтар туһанна. Бу туһунан Арассыыйа социальнай пуондатын Саха сиринээҕи салаатын салайааччыта Марина Герман кэпсээтэ, диэн СИА иһитиннэрэр.
Биир кэлим босуобуйа төлөбүрүн көрүөхтэриттэн ыла ыалларга 12 млрд 60 мөл. 120 тыһыынча солкуобайы көмө быһыытынан биэрдилэр. Бу өҥөнөн туһанарга сайабылыанньа 91,4% госуслуги портал нөҥүө киирэр.
