XIV Петербурдааҕы норуоттар икки ардыларынааҕы газ форумун чэрчитинэн Саха Сирин гаһынан хааччыйыыны сайыннарыы уонна 2026-2030 сылларга газтааһын бырагырааматыгар илии баттанна. Докумуону «Газпром» ПАО бырабылыанньатын бэрэссэдээтэлэ Алексей Миллер уонна Саха Өрөспүүбүлүкэтин баһылыга Айсен Николаев илии баттааһыннарынан бигэргэттилэр.
“Газпром” соҕуруу Саха сирин газтааһыныгар үлэлиир, уматыгы биэрээччинэн «Сибиир Күүһэ» гаас ситимэ буолар.
Хампаанньа 2030 сылга диэри «Сибиир Күүһүттэн» гаас түҥэтэр ыстаансыйалаах (ГРС) түөрт эбийиэги түмүктүүр санаалаах — «Алдан», «Алдан-2», «Мурья», «Чульман». Кинилэртэн Алдан куоратыгар уонна Алдан уонна Нерюнгри оройуоннарын сэлиэнньэлэрин икки ардыларынааҕы уонна дэриэбинэ иһинээҕи гаас ситимнэрэ барыахтара – Үөһээ Кураанахха, Лебединайга, Ленинскэйгэ, Аллараа Кураанахха, Хатыстыырга, Чульмаҥҥа.
Хампааньа 2025 сыл бүтүөр диэри «Иенгра» ГРС-тан гаас эбийиэгин тутууну түмүктүөҕэ.
Сиһилии манна аах.
