2025 сылга Саха сирэ анал байыаннай дьайыы ыытыллар зонатыгар 117 автотехниканы тиксэрдэ. Бу туһунан брифиҥҥэ «Кыайыыга бииргэ» хамыыһыйа өрөспүүбүлүкэтээҕи оперативнай штабын сүрүннүүр киинин салайааччыта, Донбасска хотугулуу-илиҥҥи көмө уонна өйөбүл фондатын салайааччыта Георгий Куркутов иһитиннэрдэ.
Кини этэринэн, сүрүннээн «УАЗ» маркалаах массыыналар, мотоцикл уонна квадроцикл бэриллэр.
«Маны таһынан Саха сириттэн сылдьар байыаннайдарга салгын уонна сир суолунан 129 туонна аадырыстаах баһыылкалар, гуманитарнай көмө уонна Саха сирин волонтерскай тэрилтэлэрин бородууксуйалара тиэрдилиннилэр», – диэн эбэн эттэ кини.
Соторутааҕыта Илиҥҥи байыаннай уокурукка үлэ сырыытын түмүгүн таһааран, Георгий Куркутов Саха сирэ байыаннай чаастары кытта бииргэ үлэлээһинин бэлиэтээтэ.
«Командующайдары уонна кинилэр солбуйааччыларын, ону тэҥэ Саха сириттэн сылдьар байыаннайдары кытта көрсүһүүлэр буоллулар. Биһиги байыастарбыт санаалара бөҕө. Байыаннай чаастар хамандыырдара өрөспүүбүлүкэни кытта ыкса бииргэ үлэлииллэр. Биһиги Россия Сэбилэниилээх Күүстэрин өйөөһүн механизммыт дойду үгүс регионнарыгар холобур буоларын бэлиэтииллэр», – диэн Георгий Куркутов эттэ.
Источник: sakha.gov.ru
