Анал байыаннай дьайыы ыытыллар зонатыгар (СВО) Саха Сириттэн техника ыытылынна. Бу туһунан гражданскай оборуона дьыалаларыгар уонна регион нэһилиэнньэтин олоҕун-дьаһаҕын куттала суох буолуутун хааччыйыыга миниистир бастакы солбуйааччы Айаал Вензель иһитиннэрдэ.
Байыастарга наадалаах техниканы Саха сирин баһылыга Айсен Николаев сорудаҕынан «Патриотическай» ТОР федеральнайдааҕы бырагыраама чэрчитинэн ыытар. Тиэйии састаабыгар «Якт-Сокол» хаар мотуордара, «Тимир Ат» электроматассыыкыллар уонна «Хотой» пилота суох көтөр аппараттар киирдилэр.
«Ааспыт нэдиэлэҕэ «Якт-Сокол» хаарынан, кутанан айанныыр техникалара Илин байыаннай уокурукка уонна инники күөҥҥэ сылдьар байыаннай сулууспалаахтарга биэрэргэ ыытыллыбыта. Ил Дархан сорудаҕынан саҥа пилота суох көтөр аппараттар бэлэмнэннилэр», — диэтэ Айаал Вензель.
Миниистири бастакы солбуйааччы Саха сирин оҥорон таһаарааччылара санкцияларга түбэспит билиниллибит тэриллэри солбуйар кыахтаах дроннар альтернативнай моделларын этэллэрин бэлиэтээтэ.
Маны таһынан өрөспүүбүлүкэ тэрилтэлэрэ СВО кыттыылаахтарыгар ыыталларыгар гуманитарнай таһаҕаһы уонна транспортнай техниканы түмэллэр. Айаал Вензель регионнааҕы транспортнай хампаанньалар уу суола сабыллыар диэри бары таһаҕаһы тиэрдиини хааччыйарга бэлэмнэрин бэлиэтээтэ.
