Өлүөнэ муостатын тутуу уонна Дьокуускай куораты сайыннарыы бырайыактара РФ вице-премьера Марат Хуснуллин салайааччылаах штабка казначейскэй инфраструктурнай кредит бырагырааматын чэрчитинэн биһирэбили ыллылар. Бу туһунан өрөспүүбүлүкэ баһылыга Айсен Николаев Мах мессенджерыгар бэйэтин сирэйигэр иһитиннэрдэ.
«Өлүөнэ өрүһү туоруур муостаны тутууга 4,7 млрд солк. үп көрүллэрэ биһирэннэ. Муоста «Олох Инфраструктурата» национальнай бырайыакка киллэриллибит уонна өрөспүүбүлүкэ уонна дойду транспорын инфраструктуратын сайыннарыы тутаах эбийиэгинэн буолар. Иккис бырайыак -Дьокуускай арҕаа өттүн, бастатан туран, «Спортивнай» микрооройуону энергиянан хааччыйыы, уунан хааччыйыы уонна уу ситимнэрин сайыннарыы. Үбүлээһин кээмэйэ — 5,3 млрд солк. Үп инженернэй инфраструктураны тутууга уонна саҥардыыга ыытыллар. Ити уопсай иэннээх 46 элбэх кыбартыыралаах дьиэни 329 тыһыынча кв миэтэрэ тутар кыаҕы үөскэтиэҕэ уонна 160 эргэрбит уонна саахалланар туруктаах дьиэлэри көһөрүөххэ сөп», — диэн Саха сирин баһылыга иһитиннэрдэ.
Казначейскэй инфраструктура кредиттэрэ — регионнарга базовай инфраструктура тутуутун түргэтэтэр уһун болдьохтоох судаарыстыба механизма. Үбүлээһин сыллааҕы 3%-нан бэриллэр уонна социальнай уонна экономическай үүнүүгэ усулуобуйаны тэрийэр эбийиэктэргэ эрэ ыытыллар: транспортнай, социальнай уонна хомунаалынай инфраструктураҕа.
