Биир кэлим куоластааһын күнүгэр – балаҕан ыйын 14 күнүгэр диэри – биир нэдиэлэ хаалла. ЯСИА-ҕа Саха Сирин Киин Быыбардыыр Кэмитиэтигэр иһитиннэрбиттэринэн, бу күннэргэ учаастактааҕы быыбардыыр хамыыһыйалар чилиэннэрэ быыбардааччылары иһитиннэрэллэр, быыбардааччыларга испииһэккэ бэйэлэрин дааннайдарын бэрэбиэркэлиир кыаҕы биэрэллэр, быыбардыыр бюллетеннэри бэлэмнииллэр: бэчээттэри, илии баттааһыннары туруораллар, ону тэҥэ куоластыыр сири оҥороллор.
Итини сэргэ балаҕан ыйын 3 күнүттэн УИК-тарга эрдэлээн куоластааһыны ыыталлар. Балаҕан ыйын 4 күнүттэн быыбардааччылартан дьиэҕэ куоластааһыҥҥа ыҥырыы ылыллар.
Өрөспүүбүлүкэҕэ барыта 293 учаастактааҕы быыбардыыр хамыыһыйа үлэлиир. Саха сирин быыбардыыр хамыыһыйаларыгар барыта 1821 кандидаттан докумуон киирдэ, араас таһымнаах 222 быыбардыыр хампаанньа ананна.
