2025 сыл саҕаланыаҕыттан Саха сирэ 117 массыынаны анал байыаннай дьайыы зонатыгар бойобуой соруктары толорор байыаннайдарга туттарда. Бу туһунан атырдьах ыйын 27 күнүнээҕи брифиҥҥэ өрөспүүбүлүкэ гражданскай оборона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистирэ Дмитрий Лепчиков иһитиннэрдэ.
Кини этэринэн, СВО байыастарыгар гуманитарнай таһаҕаһы тиэрдэр транспортнай хампаанньалар Ростов уобалаһыгар регион тирэх пуунугар диэри 34 рейс оҥордулар.
Дмитрий Лепчиков «Патриотическая» ТОР үлэтин чэрчитинэн «Якт-Сокол», «Зеленая энергия» уонна «Саха Дрона» саха тэрилтэлэрин бородууксуйаларын таһаарыыны үбүлээһиҥҥэ Российскай Федерация Уһук Илини уонна Арктиканы сайыннарыыга министиэристибэтигэр сайаапка бэлэмнэннэ диэн бэлиэтээтэ.
«Бу хампаанньалар “Сокол” квадроцикллары, “Тимир Ат” электромотоцикллары уонна Россия Сэбилэниилээх Күүстэригэр пилотнай көтөр аппарааттары оҥороллор», – диэн спикер быһаарда.
СВО кыттыылаахтарын тэрилинэн эбии хааччыйар дьаһаллар былааннаах бэрээдэктэринэн салҕанан бараллар, диэн түмүктээтэ гражданскай оборона дьыалаларыгар уонна регион нэһилиэнньэтин олоҕун-дьаһаҕын куттала суох буолуутун хааччыйыыга миниистир.
