Ахсынньы 21 күнүгэр киинэ эйгэтигэр үлэлиир дьоҥҥо вице-премьер Сергей Местников судаарыстыбаннай граннары туттарда.
Вице-премьер иһитиннэрбитинэн, күрэскэ барыта 46 сайаапка киирбит. Итинтэн үһэ анимация уонна оҕо киинэтэ. «Ил Дархан инникитин ити хайысхалары сайыннарар, «Сахафильм» материальнай-техническай базатын саҥардыыга болҕомто уурар наадатын ыйар», — диэтэ Сергей Местников.
Судаарыстыбаннай граннары күрэс быһыытынан быйылгыттан саҥа көрдүлэр.
«Авторское кино» хайысхаҕа Иван Сивцев «Белый ангел тундры» киинэтигэр 1 мөл 698 тыһ. солкуобайга сертификат тутта.
«Саха литературатын айымньыларын экранизациялааһыҥҥа» Константин Тимофеев («Лоокуут уонна Ньургуhун») — 3 мөл 196 тыһ. солк.
«Анимационнай киинэ» — Евгений Осипов («Whisper of the wind» (Шепот ветра) — 1 мөл 498 тыһ. солк, Семен Ермолаев (Тойтой Боотур), 998 тыһ солк.
«Оҕо киинэтэ» — Дмитрий Давыдов («Песни лета»), 5 мөл 496 тыһ. солк.
«Дебютное кино» — Марианна Скрыбыкина («Хаар Кынат») 4 мөл 994 тыһ.солк.
«Документальное кино» — Тамара Обутова («Кэт Марсден. Апокатастасис») 2 мөл 117 тыһ. солк.
