«Традиционная якутская кухня – основа здоровья и активного долголетия» научнай-практическай семинар «Гастрономия как креативная индустрия и стратегический ресурс: российские продукты, национальная кухня и новые бизнес-модели для развития Дальнего Востока» дьыалабыай сессия чэрчитинэн ыытылынна. Тэрээһин креативнай индустриялар пуорумнарын бырагырааматыгар киирсэр.
«Саха национальнай куухуната киһи доруобуйатыгар уонна нэһилиэнньэ уһун үйэлэниитигэр дьайыытын, сөптөөхтүк уонна сөбө суохтук аһыыр дьон уларыйыыларын, натуральнай бородуукта суолтатын кэпсэтэбит. Биһиги лабораториябыт нутригеномиканан дьарыктанар — генетическай коду чинчийиинэн, манна национальнай куухуна олус суолталаах. Урут сахалар белковай-липиднай тииптээх аһылыктаах буоллахтарына, билигин углеводнай-липиднай европейскай тиипкэ көһүү бэлиэтэнэр, онон билигин национальнай куухуна туһунан ырытыһыы олус оруннаах», – диэтэ РНА СО Саха сиринээҕи наука киинин нутригеномикаҕа лабораториятын сэбиэдиссэйэ, АГАТУ ас технологиятын уонна ас индустриятын кафедратын профессора Константин Степанов.
Хаартыска: Нарыйа Пахомова/ЯСИА
