Сэтинньи 19 күнүттэн Дьокуускай саахымакка киинигэр өрөспүүбүлүкэтээҕи саахымат чемпионата саҕаланна. Үбүлүөйдээх, 80-с чемпионакка өрөспүүбүлүкэ араас оройуоннарыттан бастыҥ маастардар мустуохтара. Күрэхтэһии түмүгүнэн Уһук Илиҥҥи түһүлгэҕэ барар Саха сирин сүүмэрдэммит хамаандатын састааба тэриллиэҕэ, диэн СИА иһитиннэрэр.
Эр дьон дивизионугар ааспыт улахан күрэхтэһиилэргэ үрдүк көрдөрүүлэрдээхтэр кыттыахтара. Ол курдук, Уус-Алдан улууһуттан Фиде Василий Васильев, Сунтаар улууһуттан Руслан Пахомов, Айсен Местников, Роман Ганжуров, Дмитрий Егоров уонна Дьокуускайтан атын биллиилээх күрэхтэһээччилэр. Күрэхтэһиилэр күн эргииринэн буолуохтара.
Эр дьон ортолоругар бастакы үс призер Саха сирин сүүмэрдэммит хамаандатыгар киирэн Уһук Илин уокуруктааҕы чемпионатка кыттыаҕа. Маны таһынан, күрэхтэһиигэ бастыҥ старт уонна бастыҥ финиш иһин анал бириистэр олохтоннулар.
Дьахталлар чемпионаттарыгар иккис разрядтаах саахыматчыттар ыҥырылыннылар. Кыайыылаах уонна үрүҥ көмүс призер Саха сирин сүүмэрдэммит хамаандатын састаабыгар киирсэн Уһук Илиҥҥи күрэхтэһиигэр кыттыаҕа. Кыргыттарга уонна бэтэрээннэргэ бастыҥ көрдөрүү иһин эмиэ анал бириистэр оонньонуохтара.
Күрэхтэһиилэр нэдиэлэ устата өрөспүүбүлүкэтээҕи саахымат дуобат киинигэр 15:00 чаастан буолуохтара. Финал сэтинньи 27 күнүгэр буолара былааннанар.
