Уһун үйэлээх ытык киһи Россия президенэ Владимир Путинтан уонна Ил Дархан Айсен Николаевтан эҕэрдэ аккырыыкка тутта. Екатерина Старостинаны «Үйэ саас» бочуоттаах бэлиэнэн наҕараадалаатылар, биир кэмнээх 1 мөл солк туттардылар, Кыайыы 80 сылыгар анаммыт мэтээли түөһүгэр ииллилэр. Наҕараадалааһыны Муома улууһун баһылыга Дмитрий Аммосов уонна социальнай харысхал управлениетын салайааччыта Антонина Щелканова ыыттылар.
Екатерина Егоровна Старостина 1925 сылл олунньу 25 күнүгэр Муома оройуонун Хонуу сэлиэнньэтигэр төрөөбүтэ. Кэргэнин кытта тоҕус оҕону ииппиттэрэ. Үлэтин Калинин аатынан холкуоска ыанньыксытынан 1940 сыллаахха саҕалаабыта, оччолорго 16 саастааҕа. 1947 сыллаахха кинини «За доблестный труд в Великой Отечественной войне» мэтээлинэн наҕараадалаабыттара.
