РФ бэрэсидьиэнэ Владимир Путин Уһук Илин олохтоохторугар үһүс оҕо уонна онтон кэлэр оҕо төрөөтөҕүнэ биир мөлүйүөн солкуобайдаах биир кэмнээх төлөбүрү оҥорор туһунан этии киллэрдэ. Бу боппуруоһу бырабыыталыстыбаҕа быһаарарга сорудахтаата. Төлөбүрү дьиэ туттуутугар эбэтэр ипотека нөҥүө дьиэ атыылаһарга туһаныахха сөп. Бу этиини көрүү уонна быһаарыы туһунан сэтинньи ыйга диэри чопчуланыахтаах. Биир кэмнээх төлөбүрү туһанарга үһүс оҕо уонна онтон кэлэр оҕо төрөөтөҕүнэ, төрөппүттэр Уһук Илин сиригэр-уотугар баар саахса нөҥүө оҕону суруттараллара ирдэнэр. Оттон көрүллүбүт харчынан олорор усулуобуйаны тупсарыы эмиэ Уһук Илин иһинэн буолуохтаах.
Ульяна ЗАХАРОВА, edersaas.ru
This post was published on 19.10.2021 17:02 17:02