Саха режиссера Дмитрий Кольцов Тула куоракка буолбут байыаннай киинэлэр бэстэбээллэригэр «Рядовой Чээрин» киинэнэн бириис ылла. Бэстэбээлгэ Арассыыйататн уонна атын дойдуттан барыта 80 киинэ хартыыналарын көрдөрдүлэр, диэн СИА-ҕа Саха сирин баһылыгын уонна бырабыыталыстыбатын пресс-сулууспата иһитиннэрэр.
«Рядовой Чээрин» киинэни Саха суруйааччыта-фронтовик Тимофей Сметанин 1947 с. суруйбут сэһэнинэн устубуттара.
Байыаннай хартыынаны YouTube-ка 12 мөлүйүөнтэн тахса киһи көрбүт. Кыайыы күнүгэр СТС ханаалыгар киинэ премьерата буолбута.
Юрий Озеров аатынан байыаннай киинэ ХХІ аан дойдутааҕы фестивала ыам ыйын 16-21 күннэригэр Тулага буолан ааста. Быйылгы фестиваль Сталинград кыргыһыыга 80 сылыгар анаммыта.
32 площадкаҕа киинэ көрдөрүүтэ, пресс-конференциялар, киинэ деятеллэрин кытары көрсүһүүлэр, уһуйар маастар- кылаастар уонна «Шаг навстречу кино» үөрэх ыытылынна. Көрөөччүлэр уонна дьүүллүүр сүбэ документальнай, оҕо-ыччат киинэтин, ретрофильмнары уонна сериаллары кытта билсистилэр.
