«Аҕа дойду улуу сэриитигэр Саха сириттэн 65 тыһыынча киһи барбыта, Ийэ дойдуну көмүскүү. 38 тыһыынча буойун сэрии толоонугар хаалбыта. Элбэх киһи дойдуларын буорун булбатаҕа. Саха сирэ биһиги байыастарбыт өйдөбүнньүктэригэр күүскэ үлэлиир. Бүтэһик сылларга 2200 саха аата көрдүүр үлэ көмөтүнэн тилиннэ. Быйыл «Бастионы памяти» история акциятын чэрчитинэн Калужскай, Псковскай уонна Смоленскай уобаластарга кинилэр чиэстэригэр мемориаллары туруоруохпут. Тэрилтэлэр, судаарыстыбаннай уонна чааһынай пуондалар, биирдиилээн дьон көҥүл өттүнэн үбүлээһиннэринэн тутуллуоҕа», – диэтэ Айсен Николаев.
Хаартыска: Андрей Сорокин/ЯСИА
Сталинград геройдарыгар анаммыт мемориал Мамаев курганыгар дьэндэйиэҕэ. Саха сирэ биир бастакынан бу дьаһалы саҕалаата. Бастакы 1994 сыллаахха Тверь уобалаһын Филькино дэриэбинэтигэр туруоруллубута. Старай Руссаҕа Ильмень күөл таһыгар уонна Москва уобалаһыгар уонна да атын сирдэргэ сахаларга анаммыт пааматынньыктары көрүөххэ сөп.
