20 От ыйа 20.07
  • 19°
  • $ 88,02
  • 96,04

Россия үөрэҕин миниистирэ: учууталы ноутбук да, планшет да солбуйбат

18:01, 29 марта 2021
Текст:
Читайте нас на
Яндекс Новости
ЯДВ

Россия үөрэҕин миниистирэ Сергей Кравцов этэринэн, гаджеттар учууталы толору солбуйар кыахтара суох. Бу ордук начаалынай оскуолалары хабар, суруйар ТАСС.


Аныгы планшеттар уонна араас электроннай гаджеттар педагогу толору солбуйар кыахтара суох, ордук алын сүһүөх оскуолаларга бу сыһыаннаах. Маннык диэн Россия үөрэҕин миниистирэ Сергей Кравцов Псковка командировкатын кэмигэр эттэ.

«Учууталы туох да солбуйбат. Ноутбук да, планшет да. Информационнай технологиялар көмө, эбии эрэ буолуохтарын сөп үөрэх систиэмэтигэр. Үгэскэ кубулуйбут үөрэх — оҕолор бэйэ-бэйэлэрин кытта алтыһыылара, учууталы кытта кэпсэтиилэрэ — бу сайдыы, бу иитии, билиини бэрсии. Гаджеттарга уонна планшеттарга толору көспүт оскуолалары (өскөтүн оннуктар баар буоллахтарына) кинилэргэ болҕойон көрүөххэ наада. Мин маннык көһүүгэ наадыйыы баарын көрбөппүн. Өскөтүн бу начаалынай оскуола буоллаҕына быһаарсыахха наада«, — диэтэ Кравцов.

Кравцов үгэскэ кубулуйбут үөрэтии киэбин хайаан да хаалларар наадатын эттэ. «Биһиги «Цифровая образовательная среда» бырайыакпыт, өскө оҕо доруобуйатын туругунан кылааска кэлэн үөрэнэр кыаҕа суох буоллаҕына холбоноругар, үөрэҕин көтүппэтигэр туһуланар. Оттон планшеттар уонна гаджеттар көмө эрэ быһыытынан туттуллаллар. Ропотребнадзор ирдэбиллэрэ бааллар, ону учуоттуохха наада, оҕо доруобуйата эмсэҕэлээбэтин курдук«, — диэн миниистир быһаарда.

Кини үөрэх министиэристибэтин исписэлиистэрэ педагог сааһыгар анаалыс ыыппыттарын иһитиннэрдэ. «Орто саас — 45-47. Эдэрдэр элбэхтэр, баҕа өттүлэринэн бу идэҕэ кэлбиттэр«, — диэтэ Кравцов.

Источник: ТАСС

Следите за самым важным и интересным в Telegram-канале и WhatsApp-группе ЯСИА