Сэтинньи бастакы үлэ нэдиэлэтэ үс күннээх буолуоҕа. Ити РФ бырабыыталыстыбатын 2025 сылга өрөбүлү көһөрөр туһунан уурааҕыттан этиллэр, ТАСС билистэ.
Арассыыйа олохтоохторо сэтинньи 3 уонна 4 күннэригэр (бэнидиэнньик уонна оптуорунньук), онтон сэтинньи 8 уонна 9 күннэригэр (субуота уонна өрөбүл) сынньаныахтара. Хаалбыт үс күн үлэ күнүнэн буолуоҕа.
Бу иннинээҕи үлэ нэдиэлэтэ алта күн буолуоҕа. Сэтинньи 4 күнэ — судаарыстыбаннай бырааһынньык, норуот сомоҕолоһуутун күнэ. Оттон онно холбоммут өрөбүл бэнидиэнньиккэ субуотаттан көһөрүлүннэ — сэтинньи 1 күнүттэн.
Бырааһынньык күннэрэ оскуола каникула бүтүүтүгэр холбонуохтара. Үөрэх Министиэристибэтин сүбэтинэн, чиэппэринэн үөрэнээччилэр күһүҥҥү сынньалаҥнара алтынньы 25 күнүттэн сэтинньи 2 күнүгэр диэри салҕанар.
