Үлэтин бастакы күнэ биэдэмистибэ салалтатын кытта көрсүһүүнэн тэрилиннэ.
«Биһиги министиэристибэбитигэр Дмитрий Михайловиһы стажировкаҕа ылыы улахан чиэс. Кини сулууспатын кэмигэр ылбыт уопута уонна билиитэ үлэҕэ олус туһалаах буолуоҕа. Биһиги үлэбит хаамыытын кытта билсиэҕэ, оттон биһиэхэ — быһаарыы ыларбытыгар билиитэ уонна сүбэтэ көмөлөһүөҕэ», — диэтэ миниистир Елена Волкова.
Россия Геройа «Защитники Отечества» судаарыстыбаннай пуондаҕа сырытта, Ю.П. Степанов аатынан инбэлииттэр реабилитацияларын киинин үлэтин кытта билистэ уонна ОВЗ оҕолор кииннэрин көрдө. Бэлиэтээн эттэххэ, Степанов аатынан кииҥҥэ билигин реабилитациятын Россия Геройа Алексей Петров ааһар.
«Нэһилиэнньэ социальнай харысхалын систиэмэтин үөрэтэр былааннаахпын, ол иһигэр СВО кыттыылаахтарын уонна кинилэр дьиэ кэргэттэрин реабилитацияларын. «Время героев» бырагыраама – саҥа билиини уонна сатабылы ылыыга шанс, инникитин дойду иннигэр үлэлиирбэр көмө буолуоҕа», — диэтэ Дмитрий Куценко.
