Балаҕан ыйын 26 — 29 күннэригэр Россия биэнсийэлээхтэрин VII Спартакиадаларын финала буолар. Саха сирин хамаандата кыттар.
Спартакиада туһунан Саха сирин маассабай спортка управлениета иһитиннэрдэ, СИА суруйар. Спортсменнар тэрилтэ салайааччыта Роман Оконешниковтан формаларын туттулар уонна ситиһиилээхтик кыттарга алгыһын ыллылар.
Саха сирин хамаандата өрөспүүбүлүкэтээҕи балаҕан ыйын 7 — 8 күннэригэр Дьокуускайга буолбут күрэхтэһиилэр кэннилэриттэн сүүмэрдэннэ.
Финал Самарскай уобалас Тольятти куоратыгар буола турар, 11 көрүҥҥэ бастыҥнар быһаарыллыахтара.
