Россияҕа төннүбүт биир дойдулаахтарбыт “Уһук Илиҥҥи гектары” ылыахтара

Тас дойдуга олорор уонна Россияҕа төннөн кэлиэхтэрин баҕарар биир дойдулаахтарбыт “Уһук Илиҥҥи гектары” ылыахтарын сөп, диэн иһитиннэрдэ Ялтатааҕы экономическай форумҥа Илиҥҥи сайдыы министиэристибэтин баһылыга Александр Галушка.


Туһааннаах сокуон барылын Судаарыстыбаннай Дуумаҕа РФ бырабыыталыстыбата киллэрдэ.

“Бүгүн бырабыыталыстыба Уһук Илини кытта сибээстээх сокуон барылын бигэргэтэн, Судаарыстыбаннай Дуумаҕа киллэрдэ. Ол быһыытынан “Уһук Илиҥҥи гектары” ылааччыларынан тас дойдуга олорор биир дойдулаахтарбыт уонна Россияҕа баҕа өттүлэринэн көһүү бырагырааматын кыттыылаахтара кэлиэхтэрэ”, — диэтэ Галушка.

Кини этэринэн, Россияҕа кэлиэн баҕалаах биир дойдулаахтарбыт гражданство ыла да иликтэринэ “Уһук Илиҥҥи гектары” ылыахтарын сөп, ол эрээри сирдэрин бас билиигэ оҥотторор кэмнэригэр гражданствоны ылыахтаахтар.

СИА.

This post was published on 20.04.2018 17:46 17:46