2025 сылга оҕолоох ыаллары социальнай өйөөһүн дьаһалларын олоххо киллэриигэ 2,3 трлн кэриҥэ солкуобай тыырыллыбыт. Бу суума 2024 сыл көрдөрүүтүн 80,4 млрд солк. куоһарар. Дааннайдар Россия социальнай пуондатын бюджетын толоруу туһунан РФ счетнай палататын оперативнай дакылаатыгар этиллэр.
Докумуоҥҥа сурулларынан, туһааннаах сыалга 2 280 969,29 мөл.солк. ороскуоттаммыт, ол аата сыллааҕы кээмэйтэн 98,1% тэҥнэспит. 2024 сылы кытта тэҥнээтэххэ үрдээһин — 80 356,05 мөл.солк, эбэтэр 3,7%. Үп сүрүн өттө — 78%, эбэтэр 1 778 188,82 мөл.солк. — оҕо төрөөһүнүнэн уонна иитиитинэн сибээстээн ыйдааҕы босуобуйа төлөбүрүгэр (биир кэлим босуобуйа) тиксибитэ.
Ыалларга ийэ (дьиэ кэргэн) хапытаалын көрүҥүнэн судаарыстыбаннай өйөбүл эбии дьаһалларын биэриигэ 458,8 млрд солк.ыытылынна. Ити былырыыҥҥытааҕар 25,3 млрд солк. (5,9%) элбэх, диэн дакылаакка бэлиэтэнэр.
