Росстат борогунуоһунан, Россия 300 тыһ эр киһинэн эбиллэр. Уол уонна эр киһи ахсаана хайдах эбиллэрин, 2021 сыл муус устардааҕы нэһилиэнньэ бүтүн Россиятааҕы биэрэпиһиттэн билиэхпит, СИА-ҕа тустаах медиаофис иһитиннэрдэ.
Росстат дааннайынан, 2020 сыл саҕаланыыта Россия нэһилиэнньэтэ 146,7 мөл киһиэхэ тэҥ, ол иһигэр 68,1 мөл — эр киһи уонна 78,6 мөл — дьахтар. 2031 сылга, борогунуоһунан, эр дьон ахсаана 69,9 мөл буолара күүтүллэр.
2020 сыл саҕаланыыта өскөтүн 1000 эр киһиэхэ 1154 дьахтар тиксэр эбит буоллаҕына, 2031 сылга — 1000 : 1125 тэҥнэнэрэ күүтүллэр. Бу аата эр киһи ахсаана эбиллэр уонна кинилэр олохторо уһуур.
Холобурга историяны көрдөххө, Сэбиэскэй кэмҥэ 30-с сыллардааҕы сут уонна Аҕа дойду улуу сэриитэ эр дьон ахсааныгар сабыдыаллаабыта:
- Бастакы Бүтүн союзтааҕы биэрэпис, 1926 сыл — 44 мөл эр киһи;
- Бүтүн союзтааҕы биэрэпис, 1937 сыла — барыллаан 49,8 мөл (чып кистэлэҥҥэ тутуллара);
- 1939 сыл — 51,1 мөл;
- 1959 сыл — 52,2 мөл;
- 1970 сыл — 59,1 мөл;
- 1979 сыл — 63,2 мөл;
- 1989 сыл — 68,7 мөл.
2020 сыл саҕаланыытын дааннайдарынан Россияҕа эр киһи ахсаана эбиллиитигэр үчүгэй динамика көстөр. Бу 2021 сыл муус устарыгар чуолкай биллиэҕэ.
Сиһилии https://ysia.ru/muzhchin-v-rossii-stanovitsya-bolshe/
