Оттук кэмигэр эрэ төлүү олорбут регионнар кулун тутартан сылы эргиччи ыйынан аттаран төлөөһүҥҥэ көспөттөр. Оттон сылы эргиччи аттаран төлөөччүлэр уларытыы киллэриэ суохтарын сөп.
ЯСИА-ҕа ОДьКХ уонна энергетикэ миниистирэ Вячеслав Емельянов эппитинэн, оттук сезонун кэмигэр кыбартыыралары ититии иһин уопсай төлөбүр 12 ыйга аттарыллан турар, ити кыбартыыра олохтоохторо үпкэ ноҕоруускаларын таһаарбат туһуттан ылыллар миэрэ.
«Өскөтүн Саха сиригэр оттук кэмигэр эрэ төлөбүр оҥоһуллар буоллаҕына, ыйдааҕы билиҥҥи төлөбүр 33% эбиллэр. Счетчиктаах дьон прибор көрдөрүүтүнэн төлүүллэр, нуорма буолбатах. Ити эрээри син-биир 12 ыйга түҥэтиллэр, сыл бүтэһигэр «перерасчет» оҥоһуллар. Гаас счетчиктаах дьиэлэргэ ыйын аайы төһөнү туттубуттарынан ааҕыллар», — диэтэ миниистир.
