2026 сыл тохсунньу 1 күнүттэн Россияҕа федеральнай судаарыстыбаннай тэрилтэлэр үлэһиттэрин кэккэ категориялара хамнастарын 7,6% үрдэтэр былааннаахтар, диэн РИА Новости иһитиннэрэр.
РФ бырабыыталыстыбата доруобуйа харыстабылын, социальнай хааччыйыы, үөрэх, культура уонна наука тэрилтэлэрин үлэһиттэригэр үлэ төлөбүрүн 2026-2028 сылларга индексациялааһын туһунан федеральнайдааҕы бюджет бырайыагын Госдумаҕа киллэрдэ.
Информагентство билсибит матырыйаалларынан, 2027 сылга индексация сыл саҕаланыаҕыттан 8%, оттон 2028 сылга 7,3% буолуоҕа.
Эрдэ 2026 сылга страховой биэнсийэ биирдэ — тохсунньу 1 күнүгэр индексацияланаллара биллэриллибитэ. Кинилэр үрдээһиннэрэ 7,6% буолуоҕа, ити инфляция таһымыттан үрдүк.
