РФ Уһук Илини уонна Арктиканы сайыннарыы миниистирэ Алексей Чекунков Саха сиригэр кэллэ. Ол туһунан Айсен Николаев бэйэтин телеграм-ханаалыгар суруйда.
««Цифровой алмаз» федеральнай форум бырагырааматынан үлэлиибит. Бастатан туран, Алексей Олеговичка элбэх хайысхалаах киинэ павильонун толору ситимин барылын көрдөрдүбүт. Бырайыак Россия президенэ Владимир Путин сорудаҕынан Дьокуускайга оҥоһуллар», — суруйда Айсен Николаев.
Комплекс 68-с кыбаарталга тутуллар. Кэнсиэпсийэҕэ Уһук Илин киинэ оҥорооччуларын уонна федеральнай экспертэр этиилэрэ учуотанна. Павильон тутуута айар дьон салгыы сайдыыларыгар, оттон киинэ индустрията экономика сүрүн чааһа буоларыгар төһүү күүс буолуоҕа.
