Ахсынньы 12 күнүгэр Россия Конституциятын 30 сыла бэлиэтэннэ. Дойду сүрүн докумуонун ылыммыт күҥҥэ Ил Дархан Айсен Николаев судаарыстыбаннай наҕараадалары уонна оҕолорго пааспардарын тутарда.
ЯСИА суруйарынан, «Киһи бырааба уонна көҥүлэ, үгэс буолбут сыаннастар, суверенитет уонна судаарыстыбаннай сомоҕолоһуу — бу дойдубут тирэхтээхтик турар акылаата. Конституция ылыллыаҕыттан сайдыыга туһуламмыт отут сыл ааста. Россияҕа олох бары араҥатыгар үрдүк таһымҥа таҕыстыбыт», — диэтэ Айсен Николаев.
Регион баһылыга өрөспүүбүлүкэ баһылыгын уонна бырабыыталыстыбатын дьаһалтатын анал бырагыраамаларга управление салайааччытыгар Андрей Никифоровка РФ президиэнин анал бырагыраамаларга кылаабынай управлениетын бочуоттаах грамотатын туттарда. Россия киһи быраабыгар боломуочуйалааҕын «Спешите делать добро» мэтээлэ Ил Түмэн сис кэмитиэтин үрдүкү референэ Светлана Диодорова-Лаврентьева, махтал сурук — волонтердары бэлэмниир киин дириэктэрэ Айыллаан Винокуровка бэрилиннэ.
Баһылык ыйааҕынан СӨ үтүөлээх юриһа аат баһылык уонна бырабыыталыстыба дьаһалтатын ис бэлиитикэҕэ департамент салайааччытын солбуйааччытыгар Татьяна Кривошапкинаҕа уонна Мэҥэ Хаҥалас оройуонун судьуйата Вера Саввинаҕа ананна.
Маны сэргэ Айсен Николаев 14 саастарын туолбут Саха сирин олохтоохторугар пааспардары туттарда.
This post was published on 12.12.2023 16:03 16:03