Бүгүн, ыам ыйын 28 күнүгэр, үөрэх уонна наука миниистирэ Владимир Егоров өрөспүүбүлүкэҕэ БКЭ-ни туттарыы кэмэ арыллыбытынан аахта. Биэдэмистибэ баһылыга эксээмэни тутар пууннартан биирдэстэригэр – Дьокуускай куорат национальнай гимназиятыгар сырытта.
“Быйыл оскуоланы бүтэрэр 1253 оҕо БКЭ-ҕэ бастакынан географияны, информатиканы уонна ИКТ туттараллар. Балар талан ылбыт эксээмэннэрэ буолаллар. Бүгүн оҕолор эксээмэни ситиһиилээхтик туттарыахтара диэн эрэнэбит”, — диэтэ миниистир.
СИА
This post was published on 28.05.2018 16:31 16:31