Россия бырабыыталыстыбата бюджет саппаас пуондатыттан 5,2 млрд солк регионнарга суһал көмө массыыналарын ылыыга анаата. РФ премьер-министра Михаил Мишустин илии баттааһыннаах докумуона чэппиэр күн тустаах сайтка таҕыста диэн СИА ТАСС-ка сигэнэн суруйар.
“Медицина тэрилтэлэрэ коронавирус инфекциятыгар хаптарбыт дьону приемнуулларыгар бэлэм буолалларын туһугар 1200 суһал көмө массыынатын ылыыга бюджеттан 5,2 млрд солк көрүлүннэ. Массыыналар РФ субъектарыгар ананаллар”, — диэн суруллар докумуоҥҥа.
Коронавирус “вспышката” 2019 сыл бүтэһигэр киин Кытайга тахсыбыта. Аан дойду үрдүнэн тарҕанна, ВОЗ быһаарыытынан пандемиянан билиннэ. Бүтэһик иһитиннэрилэринэн, аан дойдуга 900 тыһ тахса киһи сыыстарда, 45 тыһ тахса киһи суорума суолланна.
Россияҕа, федеральнайдааҕы суһал ыстаап дааннайынан, 2777 ыарыы түбэлтэтэ таҕыста, 190 киһи үтүөрдэ, 27 пациент өллө.
This post was published on 02.04.2020 15:03 15:03