Россия президенэ Владимир Путин тыа сиригэр олорор дьахталларга кылгатыллыбыт үлэ күнүн киллэрэр туһунан сокуоҥҥа илии баттаата, диэн иһитиннэрэр РИА-Сонуннар.
Сокуон тыа сиригэр олорор уонна үлэлиир дьахталларга кылгатыллыбыт үлэ күнүн мэктиэлиир — үлэ чааһа нэдиэлэҕэ 36 чаастан элбиэ суохтаах. Хамнастара толору, нэдиэлэҕэ 40 чаастаах үлэ кээмэйинэн ааҕыллыахтаах.
Үлэ күнэ икки чааска араарыллар буоллаҕына, хамнас үрдүк кээмэйинэн ааҕыллыахтаах.
