Ил Дархан Айсен Николаев Новгородскай уобалас губернаторын быстах кэмҥэ толорооччу Александр Дроновы кытта Петербургтааҕы норуоттар икки ардыларынааҕы экономическай форумҥа атыы-эргиэн, наука, социальнай, култуурунай хайысхаларга 2025-2027 сылларга сөбүлэҥ түһэристэ, диэн НВК Саха телеграм-ханаала суруйар.
Айсен Николаев Аҕа дойдуну көмүскээччи сылыгар Саха сирэ уонна Новгородскай уобалас бииргэ үлэлээһиннэрин биир сүрүн хайысхатынан Улуу Кыайыы историческай өйдөбүлүн үйэтитиигэ уонна үүнэр көлүөнэлэри патриотическай иитиигэ туһуламмыт кыттыгас тэрээһиннэри ыытыы буоларын бэлиэтээтэ.
Новгородскай уобалас сиригэр-уотугар үөрэтэр, көрдүүр үлэҕэ саха ыччатын кытыннарыахтара. Ону тэҥэ манна кыргыһыы миэстэтигэр ниэмэс фашистарыттан төрөөбүт дойдуну көмүскүү сылдьан охтубут Саха сирин буойуннарын ааттарын үйэтитэр сыалтан «Бастионы памяти» историко-патриотическай бырайыак чэрчитинэн пааматынньыктары туруоруллуоҕа
