Саха сирин Ил Дархана Айсен Николаев Петербургтааҕы норуоттар икки ардыларынааҕы экономическай форумҥа «Курс на рождаемость: какой должна стать демографическая политика» диэн сессияҕа кыттыыны ылла, диэн НВК Саха телеграм ханаала суруйар.
Ил Дархан бэйэтин этиитигэр өрөспүүбүлүкэ ураты, үтүө түмүктээх уопутун туһунан кэпсээтэ. Атын регионнарга уонна федеральнай таһымҥа бу уопуту туһаныахха сөп. 2024 сыл түмүгүнэн нэһилиэнньэ ахсаана элбээһинигэр дойду үрдүнэн Саха сирэ 12-с миэстэҕэ сылдьар. Оттон төрөөһүҥҥэ өрөспүүбүлүкэ дойду үрдүнэн 10 миэстэ, оттон Уһук Илиҥҥэ 1 бастакы миэстэ.
Айсен Николаев кэпсээбитинэн, Саха сиригэр элбэх оҕолоох дьиэ кэргэн ахсаана 2020 сылтан 10% улааппыт, ол эбэтэр 34 665 ыал. 2024 сылга төрөөбүт оҕолортон 44%-на үһүс уонна онтон кэлэр оҕолор буолаллар.
