«Мин иккис хочуолунай тутулларын туруорустум, кыра да буоллун, «Молочно-товарная ферма» микрооройуону эрэ хааччыйар. Быһаарыллыбатаҕа 15 сыл буолла. Манна ордук кырдьаҕастар олороллор, оһох оттоллор. Мас олус ыараата, кыһыл көмүс тэҥэ сыана. Биир бырысыап 15 тыһ солк. Онтулара икки ыйга эрэ тиийэр. Бэйэтин кэмигэр Егор Афанасьевич Борисов 2020 сылга Саха сирэ барыта киин ититэр ситимҥэ холбонуоҕа диэбитэ. Быһаарыы сылтан сыл көһөн иһэр», — диэтэ Валерий Винокуров Петропавловскайга бырабыыталыстыба отчуотун кэмигэр.
«Бу Петропавловскай олохтоохторугар тыын суолталаах боппуруос. Уус-Майа олохтоохторун уопсай иэстэрэ 380 мөл солк. Улахан суума. Хомойуох иһин, билигин инвест-бырагыраамаҕа хапытаалынай өрөмүөн көрүллүбэт, ити эрээри кыһалҕаны туоратар сыалтан көннөрүүлэри киллэриэхпитин сөп. 2027 сылга бастакы түһүмэх ыытыллыаҕа, бырайыактааһын, тутуу матырыйаала ылыллыыта. Иккис түһүмэххэ генерация эбийиэгэ тутуллуоҕа. 2029 сылга бырайыак түмүктэниэҕэ. Улуус баһылыгын кытта үлэлиибит. Звездочка уонна Солнечнай нэһилиэнньэлээх пууннарга саамай элбэх иэс баар», — диэтэ ЯСИА-ҕа Виктор Иванов.
