Мэҥэ Хаҥалас Павловскай нэһилиэгин үрдүнэн кыталык үөрэ көтөн иһэрин хаартыскаҕа түһэрбиттэр.
«Дьиктитэ диэн, урут Павловскайынан хаһан да көппөтөхтөрө. Кинилэргэ ити атын хайысха«, — диир биологическай наука доктора Николай Гермогенов.
«Павловскай үрдүнэн кыталыктары көрбүттэрэ кинилэр элбээбиттэрин туоһута буолуон сөп«, — диэбит Саха сиринээҕи биир идэлээхтэригэр суругар Туруйалар харыстабылларын норуоттар икки ардыларынааҕы пуондатын дириэктэрэ Джордж Арчибальд. Орнитолог-учуонай Джордж Арчибальд саха кыталыктарын харыстыыр уон сыллаах бырагыраама көҕүлээччитэ.
Кыталыктар Кыһыл кинигэҕэ киирбиттэрэ. Билиҥҥи туругунан саха кыталыктарын быһа холоон ахсаана 4000 кэриҥэ.
Николай Попов, «Саха сирэ» хаһыат, edersaas.ru
This post was published on 25.04.2018 19:08 19:08