Бэс уонна от ыйдарыгар Уһук Илин федеральнай уокурук куораттарыгар «Игры ГТО» Уһук Илин Кубогар сүүмэрдиир турнирдар буолаллар. Дьокуускай түһүмэҕэ от ыйын 24 — 30 күннэригэр ыытыллар.
Сайаапкалары хомуйуу ыам ыйын 26 күнүттэн саҕаламмыта. Бары информация сайтка баар.
Тургутуһууга сөбүлээн дьарыктанааччылар уонна профессионаллар кытталлар, 18-тан үөһэ саастаахтар. 14 — 17 саастаах оскуола үөрэнээччилэригэр анал сүүмэрдээһин тэриллэр.
Кыайыылаахтар финалга — балаҕан ыйыгар Владивосток куоракка буолар Илиҥҥи экономическай форум кэмигэр ыытыллар сүрүн күрэхтэһиигэ путевка ылаллар.
Сүүмэрдиир күрэхтэһиилэр кэннилэриттэн Уһук Илин регионнарыттан 11 хамаанданы олохтуохтара, 3 эр киһи уонна 3 дьахтар.
Сүүмэрдиир түһүмэхтэр буолаллар:
Бэс ыйын 12–25 күннэрэ — Владивосток;
Бэс ыйын 26 — от ыйын 9 күннэрэ — Хабаровскай;
От ыйын 10–16 күннэрэ — Благовещенскай, Магадан, Биробиджан;
От ыйын 17–23 күннэрэ — Улан-Удэ, Чита, Южно-Сахалинскай, Анадырь;
От ыйын 24–30 күннэрэ — Дьокуускай, Петропавловск-Камчатскай.
