От ыйын 2 күнүн — сыл ортотунан бэлиэтииллэр. Саха сиригэр Өлүөнэ өрүс күнэ. 2013 сыллаахтан бэлиэтэнэр. Аан дойдуга спорт суруналыыһын аан дойдутааҕы күнэ. Бу күн 1924 сыллаахха спорт суруналыыстарын аан дойдутааҕы ассоциацията тэриллибит.
🔹1776 — Филадельфияҕа буолбут Континент иккис кэнгириэһэ Америка Британияттан арахсарын туһунан быһаарыныы ылыммыт. Ол эрээри билигин Тутулуга суох буолуу күнэ от ыйын 4 күнүгэр бэлиэтэнэр, ол күн Тутулуга суох буолуу Декларацията ылыныллыбыта.
🔹1853 — Нуучча аармыйата туурактар баһылаан олорор Молдавияларыгар саба түһэр. Кырыым сэриитэ саҕаланар.
🔹1860 — Владивосток куората олохтоммут.
🔹1911 — Дүллүкү нэһилиэгэ Намтан арахсан туспа нэһилиэк буолбут. Бу нэһилиэктэр сирдэрэ Бүлүү өрүс нөҥүө-маҥаа өттүгэр сытар. Нэһилиэк бастакы кинээһинэн Иванов Николай Иванович (Маттаҥаа) талыллыбыта.
🔹1969 — бэйиэт, публицист Сэргэй Борогонскай Ойуунускай аатынан Судаарыстыбаннай бириэмийэни туппут.
🔹1976 — Соҕуруу уонна Хотугу Вьетнамнар холбоһон Вьетнам Социалистыы Өрөспүүбүлүкэтэ буолаллар.
🔹1997 — Таиланд Баана бэйэтин валютатын бат куурсун көҥүл ыыппыт. Онтон сылтаан Азияҕа үп-харчы кризиһэ саҕаламмыта. Аан дойду экэниэмикэтэ барыта охсууну ылбыта, ол курдук эһиилигэр 1998 сыллаахха Арассыыйаҕа эмиэ экэниэмиэкэ кризиһэ буолбута.
🔹2012 — Санкт-Петербург куоратыгар ЮНЕСКО Аан дойду Утумун кэмитиэтин 36-с сиэссийэтин түмүгүнэн Өлүөнэ туруук хайалара ЮНЕСКО Аан дойду Утумун тиһигэр киирбиттэрэ.
Төрөөбүттэр:
🔸1937 — Татьяна Куприянова, норуот үөрэҕириитин туйгуна, “Дети Саха-Азия” стипендиата, Сунтаар улууһун, Элгээйи нэһилиэгин Ытык киһитэ.
🔸1970 — Сардаана Авксентьева, Дьокуускай куоратын баһылыга.
🔸1976 — Байбал Сэмэнэп, саха биллэр ырыаһыта, ырыа айааччыта, СӨ үтүөлээх артыыһа.
Өлбүттэр:
🔹1778 — Жан-Жак Руссо, Франция уонна Швейцария бөлөһүөгэ.
🔹1961 — Эрнест Хемингуэй, АХШ суруйааччыта, литэрэтиирэҕэ Нобель бириэмийэтин 1954 сыллааҕы лауреата.
🔹1977 — Владимир Набоков, нууччалыы уонна ааҥыллыы айбыт суруйааччы.
https://sah.wikipedia.org/wiki/От_ыйын_2
https://sah.wikipedia.org/wiki/Владивосток
https://sah.wikipedia.org/wiki/Дүллүкү_нэһилиэгэ_(Үөһээ_Бүлүү_улууһа)
https://sah.wikipedia.org/wiki/Васильев_Сергей_Степанович
https://sah.wikipedia.org/wiki/Өлүөнэ_туруук_хайалара
https://sah.wikipedia.org/wiki/Куприянова_Татьяна_Семеновна
https://sah.wikipedia.org/wiki/Авксентьева_Сардаана_Владимировна
