От ыйын 1 күнүгэр үлэлээбит Россия олохтоохторо — Конституцияҕа көннөрүүлэри киллэриигэ куоластааһын күнүгэр — үрдэтиллибит хамнаһы ылыахтара. «Российская газета» хаһыакка Федерация Сэбиэтин социальнай бэлиитикэҕэ кэмитиэт баһылыга Инна Святенко эттэ.
Инна Святенко санаппытынан, от ыйын 1 күнэ дойду үрдүнэн өрөбүл күнүнэн биллэриллэр. Өрөбүл уонна үлэлээбэт күннэргэ үлэлээһин Үлэ кодексатын 153 ыстатыйатынан регламеннанар.
Чуолкайдаан биэрдэххэ, өрөбүл уонна бырааһынньык күннэригэр үлэлээбит дьоҥҥо хамнастарын төлөнүүтэ кэлэктиибинэй дуогабарга, нуорма-быраап аакталарыгар, үлэ дуогабарыгар олоҕурар.
«Үлэһит баҕатынан, кини өрөбүл эбэтэр бырааһынньык күн үлэлээбит буоллаҕына, ол күнэ атын күҥҥэ сынньалаҥ быһыытынан көһүөн сөп. Оччотугар өрөбүл эбэтэр бырааһынньык күн үлэлээбитэ биир үлэ күнүнэн ааҕыллар, оттон сынньалаҥ күнэ төлөммөт«, — диэн Үлэ кодексатыгар суруллар.
This post was published on 11.06.2020 14:02 14:02