Үүтү уонна үүт аһы маркировкалааһыҥҥа семинары предпринимательство министиэристибэтэ тэрийэн ыытыаҕа. «ЦРПТ» ХЭУо кыттыгастаах семинар онлайн ыытыллар.
Семинар олунньу 4 күнүгэр 17:00 чаастан буолуоҕа. Сигэтэ: https://cms.rcitsakha.ru/index.htmlid=56327&secret=EwDHIvLgxHe3SMKSmp7Jog.
Санатар эбит буоллахха, 2021 сыл тохсунньу 20 күнүттэн Россияҕа булгуччулаах маркировкалааһыҥҥа бэлэмнэнии түһүмэҕэ стартаабыта. Үүт астан саҕалаабыттара.
2021 сыл бэс ыйын 1 күнүттэн «мороженое» уонна «сыры» диэн категория хабыллар, балаҕан ыйын 1 күнүттэн — туттуллуута 40 хонуктан үөһэ диэн болдьохтоох бородууксуйаҕа, ахсынньы 1 күнүттэн — туттуллуута 40 хонуктан кыра болдьохтоох үүт аска булгуччу маркировкалааһын киллэриллэр.
2022 сыл ахсынньы 1 күнүттэн оҥорон таһаарар бородууксуйаларын бэйэлэрэ батарар фермердэр маркировкалааһыны тутуһаллара булгуччулаах.
