Дьокуускайга бастакы пионер этэрээтэ мустубут. Бу күн Саха Сирин пионериятын төрүттэммит күнүнэн ааҕыллар.
«Саха АССР оройуоннаһынын туһунан» уураах тахсыбыт.
Балет артыыһа, Саха АССР норуодунай артыыһа Евдокия Степанова, Саха Сиригэр революция иннинээҕи кэмнэргэ түүлээх бултааһынын, эргиэн эйгэтин чинчийэр учуонай, устуоруйа билимин хандьыдаата, РСФСР профтех үөрэхтээһинин туйгуна, ССРС кинематографиятын туйгуна Вячеслав Захаров, норуот эмчитэ, көрбүөччү, алгысчыта, билгэhит Зоя Дуранова төрөөбүттэр.
Бэлиэ күннэр:
- Арассыыйа — Арассыыйа устудьуон этэрээттэрин күнэ
Түбэлтэлэр:
- 1598 — Нуучча ыраахтааҕытынан Борис Годунов бэргэһэлэммит. Кини дойдуну 1605 сыл муус устар 13 күнүгэр диэри баһылаабыта. Кини бүрүстүөлгэ олоруон да иннинэ 1587 сыллаахтан ыла Арассыыйаны салайбыта.
- 1859 — Франция флота билиҥҥи Вьетнам соҕуруу өттүгэр баар Сайгону сэриилээн ылбыт.
- 1924 — Дьокуускайга бастакы пионер этэрээтэ мустубут. Бу күн Саха Сирин пионериятын төрүттэммит күнүнэн ааҕыллар.
- 1930 — «Саха АССР оройуоннаһынын туһунан» уураах тахсыбыт.
- 1979 — Биир ыйдаах Кытай—Вьетнам сэриитэ саҕаламмыт.
- 1980 — Польша альпинистара Кшиштоф Велицкий уонна Лешек Цихы бастакынан кыһыҥҥы кэмҥэ Эверест хайатын дабайан тахсыбыттар.
Төрөөбүттэр:
- 1937 — Евдокия Степанова — балет артыыһа, Саха АССР норуодунай артыыһа.
- 1940 — Вячеслав Захаров — Саха Сиригэр революция иннинээҕи кэмнэргэ түүлээх бултааһынын, эргиэн эйгэтин чинчийэр учуонай, устуоруйа билимин хандьыдаата, РСФСР профтех үөрэхтээһинин туйгуна, ССРС кинематографиятын туйгуна.
- 1941 — Раиса Томилова — «Якуталмаз» холбоһук 3 №-дээх обогатительнай фабрикатын сепараторщиктарын биригэдьиирэ, Социалистыы Үлэ Дьоруойа.
- 1954 — Зоя Дуранова — норуот эмчитэ, көрбүөччү, алгысчыта, билгэhит.
Өлбүттэр:
- 1600 — Джордано Бруно — Италия доминикаан-манааҕа, философ уонна бэйиэт, еретик.
- 1673 — Мольер — Франция драмалааччыта уонна актёра, Арҕаа литература комедиятын ордук улуу уустарыттан биирдэстэрэ.
