13 Атырдьах ыйа 13.08
  • 16°
  • $ 60,9
  • 62,54

Олоҥхо ыһыаҕын кыайыылаах-спортсменнара билиннилэр

15:01, 21 июня
Текст:

Бэс ыйын 20 күнүгэр Олоҥхо ыһыаҕын спортивнай киирсиилэрэ буоллулар. Үөһээ Бүлүү хапсаҕайдьыттарынан биллэр. Өрөспүүбүлүкэ хамаанданан күрэхтэһиилэрин фавориттарынан сылдьаллар. Онон сүрүн болҕомто бу көрүҥҥэ уурулунна.

«Үс иилээх хапсаҕайга» кыайыылааҕынан Уус Алдантан Евгений Алексеев таҕыста, кини Быракаан аатыттан кытынна. Киниэхэ улуус нэһилиэктэрин баһылыктара туруорбут убаһалара тигистэ. Кини үс Үөһээ Бүлүү бөҕөһүн самнарда. Финалга Кырыкыйтан Николай Николаевы 5:3 ахсаанынан куоһарда. Үһүс миэстэни Дмитрий Акимов (Кэнтик) уонна Иван Сергеев (Дүллүкү) үллэһиннилэр.

Мас-рестлиҥҥэ 75-тэн үөһэ муҥутуур кыайыылааҕы быһаарсыыга хаһаайыттар ыллылар. Эрчим Баппаҕай 2:0 ахсаанынан 2021 сыллааҕы аан дойду муҥутуур кыайыылааҕын, Калугаттан төрүттээх Иван Галкины кыайда. Үһүс миэстэ Михаил Гоголев Уус Алдан улууһуттан буолла. Бу үс мадьыны бэс ыйын 24-25 күннэригэр аан дойду чемпионатын муҥутуур кыайыылааҕын быһаарсыыга бастаан «Триумфка» сүүмэрдээһини ааһыахтара, оттон Үс Хатыҥҥа финалга тахсыахтара.

Мас-рестлинҥэ 75 диэри ыйааһыҥҥа муҥутуур кыайыылааҕынан Амматтан Афанасий Платонов таҕыста. Иккис — Алексей Михайлов (Сунтара). Үһүс — Алексей Стручков (Мэҥэ Хаҥалас).

Ох саанан ытыыга Егор Соловьев Бүлүүттэн бастаата. Иккис — Балдан Балданов (Сунтар). Үһүс —  Петр Андросов (Томпо).

Сахалыы ыстаныыга кыайда Кай Адамов Горнай улууһуттан. Иккис — Ньургун Сокольников (Уус Алдан). Үһүс — Яков Дмитриев (Кэбээйи). Дьахталларга Валерия Олесова Хаҥалас улууһуттан кыайда. Иккис — Сайаана Парфёнова (Кэбээйи) уонна үһүс — Евгения Адамова (Уус Алдан).

Следите за самым важным и интересным в Telegram-канале и WhatsApp-группе ЯСИА
0
0