16 От ыйа 16.07
  • 21°
  • $ 87,81
  • 95,78

Оксана Захарова – бастыҥ сиэстэрэ

14:22, 18 мая 2016
Текст:
Читайте нас на
Яндекс Новости
ЯДВ

Медицинскэй сиэстэрэлэр ардыгар күлүккэ хаалар курдуктар эрээри, кинилэр билиилэриттэн, таһымнарыттан ыарыһах доруобуйата уонна олоҕо тутулуктанар.  Суһал көмөнү оҥорорго, ыарыһаҕы эмтииргэ, көрөргө-истэргэ сиэстэрэлэр оруоллара тугунан да кэмнэммэт.


Доруобуйа харыстабылын сайыннарыы национальнай бырайыага сиэстэрэ үлэтигэр биллэр уларыйыылары ирдиир. Ол да иһин, араас конференциялар, семинардар ыытыллаллар, сиэстэрэлэр сертификат ылаллар, билиилэрин үрдэтинэллэр.

Өрөспүүбүлүкэтээҕи 2 №-дээх балыыһаҕа— Суһал медицинскэй көмө киинигэр 546 мединскэй сиэстэрэ үлэлиир. Кинилэртэн 42-тэ – сиэстэрэ үрдүк үөрэхтээх, 15 киһи ХИФУ-га сиэстэрэ үрдүкү үөрэҕэр үөрэнэр.

Ыам ыйын 12 күнүгэр – медицинскэй сиэстэрэ күнүгэр бу балыыһаҕа эдэр сиэстэрэлэр ортолоругар «Бэйэм идэбинэн киэн туттабын: мин – медицинскэй сиэстэрэбин!» диэн куонкурус буолла.

Куонкурус үөрүүлээх түгэнтэн – бастыҥ үлэһиттэри эҕэрдэлээһинтэн уонна наҕараадалааһынтан саҕаланна. Өрөспүүбүлүкэтээҕи 2 №-дээх балыыһа кылаабынай бырааһа Борис Андреев эҕэрдэ тылыгар медицинскэй сиэстэрэ идэ эрэ буолбакка, олох укулаата буоларын тоһоҕолоон бэлиэтээтэ. Куонкурус кыттыылаахтара бэйэлэрин билиһиннэрэллэригэр дьоҥҥо көмөлөһөллөрүн сөбүлүүллэрин, үтүө дьыаланы оҥороллорун туһунан эппиттэрэ мээнэҕэ буолбатах.

Түөрт түһүмэхтээх куонкуруска 7 сиэстэрэ: нейрохирургия отделениетыттан Мария Неустроева, реанимация уонна суһал терапияттан Оксана Захарова, кардиореанимацияттан Радамира Романова, хирургия I отделениетыттан Мирослава Саввинова, лор-отделениеттан Елена Винокурова, 2-с хирургияттан Анна Поротова уонна эндоскопия отделениетыттан Анастасия Копырина кытыннылар.

Дьүүллүүр сүбэҕэ балыыһа дьаһалтатын сүрүн исписэлиистэрэ уонна Дьокуускайдааҕы медицинскэй базовай колледж предметтэргэ   1 №-дээх хамыыһыйатын бэрэссэдээтэлэ Ульяна Федорова үлэлээтилэр. Дьүүллүүр сүбэ бэрэссэдээтэлэ – кылаабынай бырааһы клиническэй-экспертнэй үлэҕэ солбуйааччы Надежда Петрова.

Кыттааччылар бары дьоһуннаахтык күрэхтэстилэр. Түмүккэ бастакы миэстэни уонна «Идэҕэ бастыҥ» номинацияны Оксана Захарова ылла.

Кыайыылаахтарга уонна кыттааччыларга барыларыгар сыаналаах бэлэхтэр уонна дипломнар туттарылыннылар.

Медицинскэй сиэстэрэлэр төһө да кыра хамнастаахтарын иһин, үлэлэригэр бэриниилээхтэрин уонна дьиҥнээх патриоттарын, сиэстэрэ буолалларынан киэн тутталларын көрдөрдүлэр.

Следите за самым важным и интересным в Telegram-канале и WhatsApp-группе ЯСИА
Тутаах тыллар