Россия Президенэ Владимир Путин РФ бырабыыталыстыбатыгар чааһынай клиникаларга үлэлиир медицина үлэһиттэрэ биэнсийэҕэ эрдэ тахсалларын хааччыйар туһунан боппуруоһу көтөхтө. Манна тэрилтэ медицина өҥөтүн босхо оҥорууга судаарыстыбаннай мэктиэ бырагырааматыгар киирсэрэ булгуччулааҕа этилиннэ.
Иһитиннэрии Кремль саайтыгар таҕыста.
Президент маннык сорудаҕы Чукотскай автономнай уокурукка уонна Хабаровскай кыраайга тохсунньу 10 — 11 күннэригэр оробуочай сырыытын түмүгүнэн оҥордо.
Бырабыыталыстыба этиилэри муус устар 1 күнүгэр диэри биллэриэхтээх. Эппиэттээх сирэйинэн РФ премьер-миниистирэ Михаил Мишустин ананна.
