Бу күннэргэ Бүлүү бөлөх улуустарын ойуур баһаарын утары охсуһааччыларга үөрэх ыытыллар.
Салгын суудунатыттан парашютунан ыстанар анал бэлэмнэниини ааспыт десантник-байыастар парашюттарын ыҺан-таҥан эрчилиннилэр. Сыл ахсын ыытыллар бэлэмнэнии үөрэҕэр Ленскэйтэн, Үөһээ Бүлүүттэн, Сунтаартан бааллар.
Сунтаардааҕы авиа-салааҕа 21 десантник-баҺаарынай, ол иһигэр 10-на парашютунан ыстанааччылар үлэлииллэр. Байыастары баһаарга тиксэрэр «Лесник- 3» саҥа парашюту бастакытын тутан көрдүлэр.
Баһаарынайдар парашюту хайдах салайарга, баһаарга хайдах үлэлииргэ практика эрэ өттүн буолбакка, теориятын толору билиэхтээхтэр. Кинилэр билиилэрин уопуттаах инструктордар эксээмэннээтилэр.
Ойуур баһаарын утары охсуһааччылар бөртөлүөттэн ыстаннылар. Манна 39 киһи кыттан, биэстиитэ ыстанна. Ону сэргэ 1 саҥа үлэһит сэттэтэ ыстанна. Бары уопуттаах, үөрүйэх десантниктар, ыстаныы этэҥҥэ ааста.
Источник: @suntaar_sonunnara
