Саха сиригэр уот туруутун эрдэттэн сэрэтии үлэтэ салҕанан барар. Дьону ойуурга ыыппат туһугар хонтуруол олохтоммут, онуоха аналлаах пуостары туруорбуттар.
Бүгүҥҥү ааҕыынан, административнай быраабы кэһии 78 боротокуола оҥоһуллубут. Ойуурга куттал суох буолуутун быраабылатын кэһии иһин 77 ыстараап олохтоммут.
Хаппыт оту, бөҕү-саҕы уматыы иһин 42 боротокуол оҥоһуллубут, уопсайа 53 тыһ.солк. суумаҕа 36 ыстараап анаммыт.
Госпожнадзор уорганнарын үлэһиттэрэ ойуурга уот туруутугар буруйдаах дьону булбуттар. Оннук ойуур 11 баһаарыгар буруйдаах 21 киһи кимнээх буолалларын быһаардылар. 16 киһини 60 тыһ.солк. суумаҕа ыстарааптаатылар. Икки холуобунай дьыала тэрилиннэ.
This post was published on 20.07.2016 16:10 16:10