16 саастарын ситэ илик оҕолору, оптуобуска айан иһин төлөбүрү төлөөбөтөх буоллахтарына, оптуобустан холдьоҕору боптулар. Тустаах сокуон барылын Госдума оптуорунньукка иккис сүрүн ааҕыыга ылынна. Бу туһунан ТАСС суруйар.
Туһааннаах уларыйыылар тырааныспар итиэннэ куорат электрическэй тырааныспарын устаабыгар киирэллэр.
«Төрөппүтэ суох соҕотоҕун айаннаан иһэр оҕолору, бырайыастарын төлөөбөтөхтөрүн иһин, оптуобустан холдьохпут түгэннэрин түмүгэр, оҕолор хастыы эмэ килэмиэтири сатыы барбыт түгэннэрэ бааллар. Ити кэмҥэ оҕо араас иэдээҥҥэ түбэһиэн сөп. Сокуоҥҥа уларыйыы итини тохтотуо, оҕо доруобуйатыгар куттал суоһаабатын хааччыйыа», — диир Госдума спикера Вячеслав Володин.
