Дьокуускайга тохсунньу 18 — 23 күннэригэр оҕо култуурунай тэрээһиннэрэ онлайн киэбинэн ыытыллаллар. Ол иһигэр испэктээктэр, сааратар оонньуулар, экскурсиялар, үөрэнээччи кыттыылаах көрдөрүүлэр, култуура министиэристибэтин пресс-сулууспата иһитиннэрдэ.
«Санитарнай-эпидемияны утары охсуһар хамыыһыйа боротокуолугар, кылаабынай санитарнай быраас этиитигэр олоҕуран, Дьокуускай уонна куорат кытыытынааҕы үөрэх тэрилтэлэригэр үөрэтии тохтоото. Оҕо испэктээктэрэ уонна сааратар тэрээһиннэр онлайн киэбинэн ыытыллаллара быһаарылынна. Эрдэ атыылаһыллыбыт билиэттэри, ол иһигэр «Пушкинскай каартанан», тэрилтэ каассалара төнүннэрэллэр», — диэн миниистири бастакы солбуйааччы Владислав Левочкин эттэ.
Санатар эбит буоллахха, оҕо үөрэҕэ «удаленкаҕа» көһөрүллүбүт төрөппүттэн биирдэрин үлэтэ эмиэ ити киэпкэ көһөрүллэр бырааптаах. Ол туһунан мэрия пресс-сулууспата иһитиннэрэн турар.
This post was published on 19.01.2022 15:02 15:02