Спортивнай күрэхтэһиилэри ыытар саҥа эбийиэктэри тутуу боппуруостара көрүлүннүлэр. Ньурба куоратыгар 3000 миэстэлээх стадион, сылаас чэпчэки атлетика ыытыллар манежтаах уонна физкультурнай-чэбдигирдэр комплекстаах буолуоҕа. Антоновкаҕа единоборство саалата тутуллуохтаах.
Сергей Местников эппиэтинэстээх биэдэмистибэлэр контрактацияҕа, эбийиэктэр тутууларыгар үбүлээһиҥҥэ докумуону бэлэмнээһиҥҥэ үлэлэрин күүһүрдэллэригэр эттэ.
Күрэхтэһиилэргэ Сүлэҕэ уонна Чаппандаҕа тутуллуохтаах спортивнай саалалар туттуллуохтаахтар. Маны сэргэ Ньурба куоратыгар уонна Антоновкаҕа култуура уонна сынньалаҥ пааркалара, «Куочайга» былаһаакка үлэлиэхтэрэ.
Санаттахха, Ил Дархан Айсен Николаев уурааҕынан Саха сирин норуоттарын IX Спортивнай оонньууларын түмүктүүр күрэхтэхтэһиилэрэ 2027 сыл от ыйын 7 — 11 күннэригэр Ньурба улууһугар ыытыллар.
Спортивнай оонньуулар үс түһүмэҕинэн барыахтара. Сүүмэрдиир түһүмэх муниципальнай оройуоттарга 2025-2026 сылларга. Квалификационнай күрэхтэһии — 2026-2027 сылларга.
Барыллаан суоттааһынынан, финалга 4,4 тыһыынча киһи кыттара былааннанар. Билигин 22 эбийиэк онно бэлэмнэнэрэ быһаарылынна.
Бырагыраамаҕа спорт 15 көрүҥэ киирдэ.
