Үлэҕэ киирбиттэр – 37 быраас уонна 12 орто медицинскай персонал.
«Улууска медицина эйгэтин кадрынан хааччыйыыга элбэх үлэ барар. Ааспыт уон икки сылга бырагырааманан 37 быраас уонна 12 орто персонал үлэлиир. Аҥардас ааспыт сылга оройуоҥҥа 12 эдэр исписэлиис кэллэ, ол иһигэр аҕыс быраас, үс фельдшер уонна медицинскай сиэстэрэ», – диэтэ Георгий Степанов.
Ньурбаҕа киин балыыһа тутуутун иккис уочарата ыытыллар. Саҥа дьиэҕэ хирургия, травматология уонна ортопедия, функциональнай-диагностическай уонна киин стерилизационнай отделение баар буолуохтара, бастакы тымыр-сүрэх отделениета, суһал көмө сулууспата, реанимация блога, операционнай уонна экспресс-лаборатория киириэхтэрэ.
