Ньурба оройуонун Антоновка нэһилиэгин Нефтебаза микрооройуонугар саҥа оҕо былаһаакката бастакы ыалдьыттарын көрүстэ.
Былаһаакканы «Саханефтегазсбыт» тэрилтэ үбүлээһининэн микрооройуон олохтоохторо бэйэлэрэ туттулар. Бу Өрөспүүбүлүкэ үрдүнэн биллэриллибит Тупсарыыныы сылыгар кырачааннарга олус үчүгэй бэлэх буолла. Үөрүүлээх тэрээһини оҕолор ыллаан, үнкүүлээн киэргэттилэр.
«Саханефтегазсбыт» социальнай хайысхалаах тэрилтэ, улуус үгүс тэрээһиннэригэр сыллата көхтөөх кыттыыны ылар. «Бу микрооройуон оҕолоругар үгүс үөрүүнү аҕалбыт бэлэх ону өссө төгүл туоһулуур. Кырачааннарга туһуламмыт үтүө дьыала дойдубут инники кэскилэ аан дойду таһымыгар тиийэ сайдарыгар, эт-хаан өттүнэн күүстээх, кыахтаах буоларыгар бастакы олуктары ууруо», — диэн Ньурба оройуонун аҕа баьылыга Борис Попов бэлиэтээтэ.
This post was published on 05.08.2016 09:30 09:30